«Այբ» կրթական հիմնադրամն այսուհետ ներկայացված կլինի ևս մեկ հարթակում՝ հնարավորություն տալով ավելի մեծ թվով շահառուների ՀՀ-ի տարածքում ներգրավվելու կրթական բազմապիսի ծրագրերում։ Հիմնադրամն ուրախ է հայտնելու Հայաստանում հաղորդակցման ամենատարածված հարթակներից մեկի՝ «Վայբերի» հետ համագործակցության մեկնարկի մասին։

Գործընկերության շրջանակում հիմնադրամը գործարկել է Ayb Educational Foundation ալիքը և իր չատբոտը։ Այստեղ ներկայացված են «Այբ» կրթական հիմնադրամի նոր ու խոշոր ծրագրերն ու միջոցառումները, ինչպես նաև այլ նյութեր կրթության և ինքնազարգացման մասին։ Չատբոտի միջոցով հնարավոր կլինի նախապատրաստվել «Մեղու. Հայերենը բոլորի համար» մրցույթին, ինչպես նաև գրանցվել մրցույթին մասնակցելու համար:

Համագործակցությունը, որը սկսվելու է 2022թ․-ի դեկտեմբերից, մեկնարկում է «Այբ»-ի զանգվածային ամենաընդգրկուն ծրագրերից մեկի՝ «Մեղու․ հայերենը բոլորի համար» մրցույթին համընթաց, որը տրամաբանության և հայերենի շուրջ է միավորում ՀՀ, Արցախի և սփյուռքի 3-12-րդ դասարանների աշակերտներին։

Գործընկերության ընթացքում համատեղ Վայբերում ստեղծվելու և տարածվելու են կրթական ոգևորիչ կերպարային ու տեսողական գործիքներ, հայոց լեզվի մրցույթի գլխավոր հերոսի՝ Մեղվի տեսքով։