«Այբ»-ի ցույց տված օրինակների շնորհիվ նմանատիպ սեփական լաբորատորիա ունենալը կարևոր է դարձել նաև այլ դպրոցների համար, որոնցում «ԱյբԼաբ»-եր բացելու նախաձեռնությունը եկել է հենց այդ դպրոցներից: 

Ժամանակին դպրոցների համար բարերարություն անելը կարող էր սահմանափակվել դասասենյակի վերանորոգմամբ կամ համակարգչային տեխնիկայի նվիրաբերությամբ: «ԱյբԼաբ» նախագծի շնորհիվ բարերարությունը դպրոցների համար դարձավ առավել համակարգային ու թիրախային: «ԱյբԼաբ» ծրագիրը նաև օրինակ ծառայեց դեպի դպրոց նոր ֆինանսական միջոցներ ուղղելու և դպրոցների ու առհասարակ կրթական ոլորտի զարգացման գործում երկարաժամկետ ներդրումներ անելու:

ԱՅԲԼԱԲԵՐ

2007 թ.

Երևանի Ա. Շահինյանի անվան ֆիզիկամաթեմատիկական հատուկ դպրոց
Բենհուր Փախչանյանի անվան ֆիզիկայի «ԱյբԼաբ»
Ծառայում է ֆիզիկա և աստղագիտություն առարկաների դասերի անցկացմանը:
 
2008 թ.
Երևանի Ա. Շահինյանի անվան ֆիզիկամաթեմատիկական հատուկ դպրոց Քիմիայի «ԱյբԼաբ»:
Ծառայում է քիմիա և կենսաբանություն առարկաների դասերի անցկացմանը: 

Ֆիզմաթ դպրոցի ֆիզիկայի և քիմիայի երկու «ԱյբԼաբ»-երի ստեղծումը հնարավոր է դարձել «Այբ»-ի երկու հիմնադիրների՝ Դավիթ Փախչանյանի և Կարո Սարգսյանի աջակցության շնորհիվ:
 
2010 թ.
Բերդի թիվ 1 և թիվ 2 միջնակարգ դպրոցներ, Բերդ (Տավուշի մարզ)
Հայկազ Մեժլումյանի անվան ինֆորմատիկայի «ԱյբԼաբ»
Ծառայում է ինֆորմատիկայի և համակարգչային տեխնիկայի կիրառություն պահանջող այլ առարկաների դասերի անցկացմանը: 

Բերդի դպրոցի ինֆորմատիկայի «ԱյբԼաբ»-ը ստեղծվել է «Այբ»-ի համահիմնադիր Արթուր Բերդի հովանավորությամբ:
 
2010 թ.
Քաջարանի թիվ 1 և թիվ 4 դպրոցներ, Քաջարան (Սյունիքի մարզ), 
Տարածաշրջանում էկոլոգիայի առաջին «ԱյբԼաբ»-եր
Ծառայում են «Քաջարան. բնությունը և էկոլոգիան» ուսումնական առարկայի և «Էկոլոգիա» խմբակի դասերի անցկացմանը: Օգտագործվում են բնագիտության, աստղագիտության, աշխարհագրության և անգամ օտար լեզուների դասընթացներն արդիական պահանջների համաձայն կազմակերպելու նպատակով: 

Էկոլոգիայի երկու «ԱյբԼաբ»-երը բացվել են Քաջարանի քաղաքապետարանի հովանավորությամբ:
 
2011 թ.
Վաղարշապատի Խ. Աբովյանի անվան թիվ 4 հիմնական դպրոց, Վաղարշապատ (Արմավիրի մարզ), ֆիզիկայի «ԱյբԼաբ»: Ծառայում է ֆիզիկա առարկայի և բնագիտական այլ առարկաների դասերի անցկացմանը:
 
2012 թ.
Վաղարշապատի Խ. Աբովյանի անվան թիվ 4 հիմնական դպրոց, Վաղարշապատ (Արմավիրի մարզ)
Կենսաբանության և քիմիայի «ԱյբԼաբ»-եր

Վաղարշապատի դպրոցի երեք լաբորատորիաների ստեղծումը ֆինանսավորվել է դպրոցի պահուստային ֆոնդից:
 
Կան ևս ութ լաբորատորիաներ, որոնք ստեղծվել են «Այբ» դպրոցներում «ԱյբԼաբ»-երի հայեցակարգով ու տեխնոլոգիաներով: «Այբ» ավագ դպրոցում գործում են ֆիզիկայի, քիմիա-կենսաբանության և ռոբոտիկայի լաբորատորիաներ, որոնց կառուցումն ու համալրումը ֆինանսավորվել է «Այբ» հիմնադրամի կողմից՝ դպրոցաշինության ընդհանուր ծրագրի ֆինանսավորման շրջանակներում: Իսկ ՀՀ Կենտրոնական բանկի ֆինանսավորմամբ «Այբ» հիմնադրամի կողմից ստեղծված Դիլիջանի կենտրոնական դպրոցում գործում են գիտության, ատաղձագործության, տեխնոլոգիայի և ինֆորմատիկայի լաբորատորիաներ: Բոլոր «ԱյբԼաբ»-երը և «Այբ» դպրոցների լաբորատորիաները ապագայում կմիավորվեն մեկ ընդհանուր «ԱյբԼաբ» ցանցի մեջ, որի շնորհիվ ցանցում ընդգրկված դպրոցները հնարավորություն կստանան համատեղ օգտվելու ռեսուրսներից, ակտիվացնելու համագործակցությունը, փորձի և ինֆորմացիայի փոխանակումը, համատեղ նախագծերի իրականացումը:

Համագործակից կառույցներ
Մենք շնորհակալություն ենք հայտնում բոլոր կազմակերպություններին՝ այս ծրագրի իրականացմանը աջակցելու համար.

Երևանի Ա. Շահինյանի անվան ֆիզիկամաթեմատիկական հատուկ դպրոց
Բերդի թիվ 1 միջնակարգ դպրոց
Քաջարանի թիվ 1 և թիվ 2 դպրոցներ
Վաղարշապատի Խ. Աբովյանի անվան թիվ 4 հիմնական դպրոց
Քաջարանի քաղաքապետարան
«ՋԱՏՈ» ճարտարապետական արվեստանոց