Սրբոց Թարգմանչաց եկեղեցի - Մեր նախագծերը | «Այբ» կրթական հիմնադրամ
  • Սրբոց Թարգմանչաց եկեղեցի
  • Սրբոց Թարգմանչաց եկեղեցի
  • Սրբոց Թարգմանչաց եկեղեցի

Սրբոց Թարգմանչաց եկեղեցի

ՍՐԲՈՑ ԹԱՐԳՄԱՆՉԱՑ ՇԱՐԺՈՒՄԸ

Ե դարում սբ Մեսրոպի, սբ Սահակի և նրանց աշակերտների շնորհիվ ստեղծվեցին ազգային գիր, գրականություն, երաժշտություն, դպրոց: Այս հանճարեղ մարդկանց համագործակցությունը վերածվեց դարերով շարունակվող շարժման և ապահովեց հայ ժողովրդի շարունակականությունը մինչև մեր օրերը: Այս յուրահատուկ շարժման շնորհիվ հոգևոր արժեքները և կրթությունը դարձան հայերի ազգային ինքնագիտակցության հիմք:

 

«Այբ»-ը` ՍՐԲՈՑ ԹԱՐԳՄԱՆՉԱՑ ՆՈՐ ՇԱՐԺՈՒՄ

«Այբ»-ն այսօր յուրատեսակ շարունակությունն է սրբոց Թարգմանչաց շարժման ոգու: Միավորելով կրթությամբ կայացած և կրթության մեջ ներդրում կատարելու պատրաստակամ մարդկանց` մենք համախմբում ենք նոր որակներ, գիտակցված արժեքներ, ապրված իրողություններ: Այսօր գաղափարակից մարդկանց փորձառությամբ, ջանքերով և ներդրումներով ստեղծվում ու մշակվում է հայ նոր դպրության ճարտարապետությունն իր բովանդակային, համակարգային, միջավայրային լուծումներով: «Այբ»-ի յուրաքանչյուր անդամ իր անցած ճանապարհով և իր գիտակից մասնակցությամբ հարստացնում ու հզորացնում է սրբոց Թարգմանչաց բազմադարյան շարժումը` ճանապարհ բացելով ապագա սերունդների համար:

Ընտրիր մասնակցության քո տարբերակը

Դարձիր եկեղեցու ԲԱՐԵՐԱՐ՝ ընտրելով ներկայացված տարբերակներից մեկը․

1. ՀՈՎԱՆԱՎՈՐԻՐ եկեղեցու քարերից մեկը՝ նվիրաբերելով $1000

2. ՆՎԻՐԱԲԵՐԻՐ քո նախընտրած գումարը 

Կատարել նվիարատվություն։

 

Դիտել տեսահոլովակը

 

ՍՐԲՈՑ ԹԱՐԳՄԱՆՉԱՑ ԵԿԵՂԵՑԻՆ «ԱՅԲ» ԱՎԱՆՈՒՄ

 

«Այբ» ավանում եկեղեցու առկայությունը խորհրդանշում է ճանաչողության և բարոյական արժեքների գոյաբանական կապը: Եկեղեցին, լինելով վկայությունը մեր հոգևոր ժառանգության, նաև երաշխիքն է բարոյական սերնդի ձևավորման և հայ ժողովրդի հոգևոր ապագայի: Դարեր շարունակ Հայ Եկեղեցին և Հայ Դպրոցը եղել են կողք կողքի` ապահովելով հայ ժողովրդի հոգևոր-ազգային միասնականությունը և ճանաչողական-արժեքային ներդաշնակությունը: «Այբ» կրթական ավանը կոչված է դառնալու մի միջավայր, ուր հաղթահարված է իրականության խզումը անցյալից ու ապագայից, ուր պատմությունը հոգեղեն ներկայություն է, իսկ ապագան` արարման նախանձախնդրություն:

 

 

«Այբ» ավանի եկեղեցին (ճարտարապետ` Էրիկ Օհանյան) կազմված է քարե գրքերից: Ամեն մի գիրք խորհրդանշում է սբ Թարգմանիչներից մեկին: Եկեղեցու կառույցը խորհրդանշում է այն մարդկանց, որոնց էական գրավոր ժառանգության վրա խարսխված են հայ ինքնությունը և հոգևոր գիտակցությունը: Եկեղեցու հիմնահարկում գործելու է աստվածաբանական գրադարան: Այդպիսով` եկեղեցին առավել ամբողջական կերպով է ծառայելու մարդու հոգևոր ճանաչողությանը և բարոյական մաքրությանը` աղոթքին և շնորհաբաշխություններին առընթեր հնարավորություն ընձեռելով կարդալու, ուսումնասիրելու և հոգևոր իրողությունների մեջ խորանալու:

 

Եկեղեցի կառուցելը մեծ պատիվ է, պատասխանատվություն և առաքելություն: «Այբ» ավանում կառուցվող սրբոց Թարգմանչաց եկեղեցին հոգեղեն խորհրդանիշն է կրթության գաղափարակիրների միասնական հավատքի և հայ ինքնության շարունակականության:

 

 

 

Ավելին

119

անհատ ճարտարապետ և կազմակերպություն 4 երկրից

գրանցվել են Սրբոց Թարգմանչաց եկեղեցու ճարտարապետական հայեցակարգի բաց մրցույթին

  • Սրբոց Թարգմանչաց եկեղեցի
  • Սրբոց Թարգմանչաց եկեղեցի
  • Սրբոց Թարգմանչաց եկեղեցի
  • Սրբոց Թարգմանչաց եկեղեցի

Ներկայացվել է 50 նախագիծ

Ընտրվել է մեկը՝ որպես «Այբ» ավանի եկեղեցու վերջնական ճարտարապետական նախագիծ

25 քարե գիրք`

25 սբ Թարգմանիչների պատվին