«Կենգուրու» մաթեմատիկական մրցույթ - Մեր նախագծերը | «Այբ» կրթական հիմնադրամ
  • «Կենգուրու» մաթեմատիկական մրցույթ
  • «Կենգուրու» մաթեմատիկական մրցույթ
  • «Կենգուրու» մաթեմատիկական մրցույթ
  • «Կենգուրու» մաթեմատիկական մրցույթ
  • «Կենգուրու» մաթեմատիկական մրցույթ
  • «Կենգուրու» մաթեմատիկական մրցույթ

«Կենգուրու» մաթեմատիկական մրցույթ

«Կենգուրու» միջազգային մաթեմատիկական մրցույթը տրամաբանական և հետաքրքրաշարժ խնդիրներ ներկայացնող, աշխարհում ամենազանգվածային և ամենասիրված դպրոցական մրցույթն է, որն ամեն տարի նույն օրը անցկացվում է ավելի քան 80 երկրում շուրջ 7 մլն երեխայի մասնակցությամբ: Հայաստանում և Արցախում, «Այբ» կրթական հիմնադրամի ջանքերով, «Կենգուրուի» շարքերը տարեցտարի համալրում են նոր հայ դպրոցականներ, ովքեր մեծ ոգևորությամբ ու հետաքրքրությամբ իրենց ուժերը փորձում են մրցույթում: 

 

 

«Կենգուրու» մրցույթով «Այբ»-ը Հայաստանում նոր չափանիշներ սահմանեց զանգվածային մրցույթների անցկացման և թեստերի ստուգման գործում: «Կենգուրուն» մեծ ոգևորություն առաջացրեց ու շատ արագ վերածվեց ոչ միայն ամենասիրված մրցույթի, այլև իսկական մանկական մաթեմատիկական շարժման:

 

«Կենգուրուն» տրամաբանական և հետաքրքրաշարժ խնդիրներ ներկայացնող մրցույթ է: Մասնակցության որևէ նախապայման չկա, և մրցույթին կարող են մասնակցել 3-12-րդ դասարանների բոլոր ցանկացող աշակերտները: Լավագույն արդյունքներ ցուցաբերած երեխաներին շնորհվում են պատվոգրեր ու մրցանակներ, իսկ հաղթողները ստանում են նաև գլխավոր մրցանակ` արժեքավոր նվեր կամ ամենամյա միջազգային ամառային ճամբարի ուղեգիր: «Այբ» հիմնադրամը, ցանկանալով խրախուսել ավելի մեծ թվով երեխաների մասնակցությունը, իր կողմից սահմանում է լրացուցիչ խրախուսական մրցանակներ, որպեսզի որևէ դպրոց առանց մրցանակակրի չմնա:

 

Կորոնավիրուսով պայմանավորված մարտահրավերներն արգելք չեղան, որ «Այբ» կրթական հիմնադրամը շարունակի կրթական տոն պարգևել հազարավոր երեխաների և հանդես գա նոր, ժամանակին համահունչ լուծումներով և նորարար գաղափարներով։ «Այբ»-ի զանգվածային դպրոցական մրցույթներն անցնում են առցանց հարթակ՝ հնարավորություն ընձեռելով հազարավոր երեխաների՝ նոր տեխնոլոգիական լուծումներով ստուգելու իրենց գիտելիքներն ու տրամաբանությունը և մասնակցելու ամենամեծ կրթական շարժմանը Հայաստանում։

 

Մենք լիահույս ենք, որ մրցույթի նոր ձևաչափով անցկացումը նոր խթան կծառայի մեր կրթության ոլորտում նորարարությունների և 21-րդ դարին համահունչ ծրագրերի ներդրմանը։

 

Դիտե՛ք «Կենգուրու» միջազգային մաթեմատիկական մրցույթի հայաստանյան պատմության մասին պատմող մեր տեսաֆիլմը

 

Հաջողություն ենք մաղթում «Կենգուրուի» բոլոր սիրահարներին։

 

Համագործակից կառույցներ
Մենք շնորհակալություն ենք հայտնում բոլոր կազմակերպություններին՝ այս ծրագրի իրականացմանը աջակցելու համար.

 

«Կենգուրու առանց սահմանների» միջազգային ընկերակցություն

ՀՀ կրթության, գիտության, մշակույթի և սպորտի նախարարություն

Արցախի կրթության, գիտության և սպորտի նախարարություն

Uteach

Telcell

«ՎՏԲ-Հայաստան բանկ» ՓԲԸ

Ավելին

7 միլիոն աշակերտ

ավելի քան 80 երկրից

ամեն տարի մասնակցում է «Կենգուրուին»

  • «Կենգուրու» մաթեմատիկական մրցույթ
  • «Կենգուրու» մաթեմատիկական մրցույթ
  • «Կենգուրու» մաթեմատիկական մրցույթ

38.616 հայ աշակերտ
1036+ դպրոցից

մասնակցել է «Կենգուրու 2019»-ին

3 հաղթող, 1474 մրցանակակիր

«Կենգուրու 2019»-ում

Մրցանակաբաշխություններ 32 քաղաքում

Հայաստանի բոլոր մարզերում և Արցախում

Մրցույթի սկզբունքները

1

Մրցույթին մասնակցում են 3-12-րդ դասարանցիները.

բոլոր ցանկացողները կարող են գրանցվել իրենց դպրոցում ու մասնակցել մրցույթին:

2

Մրցույթի խնդիրները տրամաբանական են և հետաքրքրաշարժ.

ամեն տարի կազմակերպիչ երկրների ներկայացուցիչները հավաքվում ու կազմում են հաջորդ տարվա խնդիրները, որոնք նույնն են բոլոր երկրներում:

3

Մրցույթը մատչելի է բոլոր երեխաներին՝ անկախ առաջադիմությունից.

մրցույթում կարող է հաջողություն գրանցել ցանկացած առաջադիմությամբ աշակերտ:

4

Բարդ բանաձևերի իմացություն չի պահանջվում.

մրցութային առաջադրանքներն ու խնդիրները կախված չեն ուսումնական ծրագրերից:

5

Մասնակցության նախապայման չկա.

մրցույթը ողջ աշխարհում անցկացվում է մեկ փուլով և միևնույն օրը՝ առանց ընտրական փուլերի:

6

Դպրոցների արդյունքներն իրար հետ չեն համեմատվում.

դա մրցույթի նպատակների մեջ չի մտնում. ամեն աշակերտ մրցում է միայն ինքն իր հետ՝ փորձելով ուժերը մաթեմատիկայում:

7

Բոլոր մասնակիցները ստանում են հավաստագիր ու հուշանվեր.

դա սկզբունք է բոլոր երկրներում, երբ աշակերտները մրցույթի օրը ստանում են փոքրիկ հուշանվերներ, իսկ մասնակից բոլոր դպրոցներն ու աշակերտները՝ մասնակցության հավաստագրեր: