«Այբ» կրթական հիմնադրամը «Եվրասիա» հիմնադրամի դրամաշնորհային աջակցությամբ իրականացրեց «Ամառային մեդիադպրոց» ծրագիրը, որի նպատակն էր ավագ դպրոցի աշակերտներին փոխանցել գիտելիքներ և հմտություններ՝ լրատվական միջոցներում տարբեր ժանրերի և ձևաչափերի հրապարակումներով հանդես գալու համար: Դասընթացները և՛ տեսական էին, և՛ գործնական: «Ամառային մեդիադպրոց» ծրագրի շնորհիվ երիտասարդները դարձան մեդիաարտադրանքի փորձառու ստեղծողներ, հասկացան յուրաքանչյուր մեդիատեսակի առավելություններն ու թերությունները և ստեղծեցին անկախ լրատվամիջոցներ։