2008-2018 թվականներին «Այբ» կրթական հիմնադրամը կրթաթոշակ է տրամադրել Հայաստանից և սփյուռքից 42 ուսանողի՝ աշխարհի առաջատար բուհերում նրանց ուսումնառության և կրթության շարունակականությունն ապահովելու համար: Կրթաթոշակները հայթայթվել են «Այբ» հիմնադրամի ջանքերով, ֆիզիկական և իրավաբանական անձանց կողմից նպատակային նվիրատվությունների հաշվին: Հետագայում «Այբ»-ի կրթաթոշակների ծրագրին օգնելու եկավ «Լույս» հիմնադրամը, որի շնորհիվ աշխարհի լավագույն բուհեր ընդունված հայ երիտասարդներն ուսման ծախսերի հատուցում էին ստանում: 

Կրթաթոշակների տրամադրման այս ծրագրով «Այբ» հիմնադրամը ներդրեց և փորձարկեց կրթության մեկենասության ինստիտուտ, որի տեխնոլոգիաները հետագայում կիրառվեցին «Այբ» ավագ դպրոցի սաների համար կրթաթոշակային ֆոնդի հայթայթման գործում: